Ab Woh Ghar Tak Viraana Tha Bas Viraana Zinda Tha

Sponsored Links

Ab Woh Ghar Tak Viraana Tha Bas Viraana Zinda Tha,
Sab Aankhen Damm Tod Chuki Thi Aur Main Tanha Zinda Tha;

Saari Gali Sunsaan Padi Thi Baad-E-Fana Ke Pehre Mein,
Hijr Ke Dalaan Aur Aangan Mein Bas Ik Saaya Zinda Tha;

Woh Dopeher Apni Rukhsat Ki Aisa Waisa Dhoka Thi,
Apne Andar Apni Laash Uthaaye Main Jhootha Zinda Tha;

Thi Woh Ghar Raatein Bhi Kahani Vaade Aur Phir Din Ginna,
Aana Tha Jaane Wale Ko Jaane Wala Zinda Tha;

Dastak Dene Wale Bhi The Dastak Sunne Wale Bhi,
Tha Abaad Mohalla Sara Har Darwaza Zinda Tha;

Peele Patton Ko Seh-Pehr Ki Vehshat Pursa Deti Thi,
Aangan Mein Ik Aundhe Ghade Par Bas Ik Kava Zinda Tha!

Sponsored Links