Dil Mein Ab Yun Tere Bhule Hue

Sponsored Links

Dil Mein Ab Yun Tere Bhule Hue Gham Aate Hain;
Jaise Bichhade Hue Kabe Mein Sanam Aate Hain;

Ik Ik Kar Ke Hue Jaate Hain Tare Roshan;
Meri Manzil Kee Taraf Tere Kadam Aate Hain;

Raqs-e-May Tez Karo, Saaz Kee Lai Tez Karo;
Su-e-Maikhana Safiraan-e-Haram Aate Hain;

Kuch Humin Ko Nahi Ehsan Uthane Ka Dimag;
Woh To Jab Aate Hain Mail-ba-Karam Aate Hain;

Aur Kuch Der Na Guzare Shab-e-Furqat Se Kaho;
Dil Bhi Kam Dukhata Hai Woh Yaad Bhi Kam Aate Hain!

Sponsored Links