Ishq Karo To Ye Bhi Socho Arz-e-Sawal Se Pehle

Sponsored Links

Ishq Karo To Ye Bhi Socho Arz-e-Sawal Se Pehle;
Hijr Kee Poori Raat Aati Hai Subah-e-Visaal Se Pehle;

Dil Ka Kya Hai Dil Ne Kitne Manzar Dekhe Lekin;
Aankhein Pagal Ho Jati Hain Ek Khyaal Se Pehle;

Kis Ne Ret Udaai Shab Mein Aankhein Khol Ke Rakhi;
Koi Misaal To Hona Us Kee Misaal Se Pehle;

Kaar-e-Mohabbat Ek Safar Hai Is Mein Aa Jata Hai;
Ek Zavaal-Aasaar Sa Rasta Baab-e-Kamaal Se Pehle;

Ishq Mein Resham Jaise Vaadon Aur Khwabon Ka Rastaa;
Jitna Mumkin Ho Tay Kar Le Gard-e-Malal Se Pehle!

Sponsored Links