Har Ek Harf-e-Aarzoo Ko Dastan Kiye Hue

Har Ek Harf-e-Aarzoo Ko Dastan Kiye Hue;
Zamana Ho Geya Hai Un Ko Mehaman Kiye Hue;

Suroor-e-Aish Talkhi-e-Hayat Ne Bhula Diya;
Dil-e-Hazin Hai Bekasi Ko Hijr-e-Jaan Kiye Hue;

Kali Kali Ko Gulistan Kiye Hue Wo Aayenge;
Wo Aayenge Kali Kali Ko Gulistan Kiye Hue;

Sukoon-e-Dil Kee Raahton Ko Un Se Maang Loon;
Sukoon-e-Dil Kee Raahton Ko Bekaran Kiye Hue;

Wo Aayenge To Aayenge Junoon-e-Shauq Ubharne;
Wo Jayenge To Jayenge Tabahiyan Kiye Hue;

Main Un Kee Bhi Nigah Se Chhupa Ke Un Ko Dekh Loon;
Ki Un Se Bhi Hai Aaj Rashk Badguman Kiye Hue!

Shaayad Abhi Hai Raakh Mein

Shaayad Abhi Hai Raakh Mein Koi Sharaar Bhi;
Kyon Varna Intezar Bhi Hai Iztiraar Bhi;

Dhyaan Aa Geya Hai Marg-e-Dil-e-Namurad Ka;
Milne Ko Mil Geya Hai Sukun Bhi Qaraar Bhi;

Ab Dhundne Chale Ho Musafir Ko Dosto;
Hadd-e-Nigah Tak Na Raha Jab Gubaar Bhi;

Har Aastaan Pe Nasiya Farsaa Hain Aaj Woh;
Jo Kal Na Kar Sake The Tera Intezar Bhi;

Ik Raah Ruk Gayi To Thee Thak Kyon Gayi ‘Ada’;
Aabaad Bastiyan Hain Pahadon Ke Paar Bhi!

Dil ki viraniyan jatane ko

Ada Jafri Poetry

akhiri Tis azamane ko
ji to chaha tha muskurane ko

yad itni bhi sakht jan to nahin
ik gharaunda raha hai dahane ko

sangrezon main dhal gaye ansu
log hansate rahe dikhane ko

zaKhm-e-nagma bhi lau to deta hai
ik diya rah gaya jalane ko

jalane vale to jal bujhe akhir
kaun deta Khabar zamane ko

kitne majbur ho gaye honge
ankahi bat munh pe lane ko

khul ke hansana to sab ko ata hai
log tarasate rahe ik bahane ko

reza reza bikhar gaya insan
dil ki viraniyan jatane ko

hasraton ki panahgahon main
kya thikane hain sar chhupane ko

hath kanTon se kar liye zakhmi
phul balon main ik sajane ko

as ki bat ho ki sans ?Ada?
ye Khilaune hain tuT jane ko