Apna Deewana Bana Kar Le Jaye

Apna Deewana Bana Kar Le Jaye;
Kabhi Wo Aaye Aur Aa Kar Le Jaye;

Roz Buniyad Uthata Hun Nayi;
Roz Sailab Baha Kar Le Jaye;

Husn Walon Mein Koi Aisa Ho;
Jo Mujhe Mujh Se Chura Kar Le Jaye;

Rang-e-Rukhsaar Pe Itarao Nahi;
Jaane Kab Waqt Udaa Kar Le Jaye;

Kise Maloom Kahan Kaun Kise;
Apne Raaste Pe Laga Kar Le Jaye;

‘Aftab’ Ek To Aisa Ho Kahin;
Jo Humein Apna Bana Kar Le Jaye!