Hamaare Shauq Kii Yah Intehaa Thii

Hamaare Shauq Kii Yah Intehaa Thii;
Qadam Rakhaa Ki Manzil Raastaa Thii;

Bichhad Ke Daar Se Ban Ban Phiraa Voh;
Hiran Ko Apnii Kastuurii Sazaa Thii;

Kabhii Jo Khwaab Thaa Voh Paa Liyaa Hai;
Magar Jo Kho Gayii Voh Chiiz Kyaa Thii;

Main Bachpan Men Khilaune Todataa Thaa;
Mere Anjaam Kii Voh Ibtidaa Thii;

Mohabaat Mar Gayii, Mujhko Bhii Gam Hai;
Mere Achchhe Dinon Kii Aashnaa Thii;

Jise Chhuu Luun Main Voh Ho Jaaye Sonaa;
Tujhe Dekhaa To Jaanaa Bad-Duaa Thii;

Mariiz-e-Khwaab Ko To Ab Shafaa Hai;
Magar Duniyaa Badil Kadvil Davaa Thii!

Dil Mein Mehak Rahe Hain Kisi Aarzoo Ke Phool

Dil Mein Mehak Rahe Hain Kisi Aarzoo Ke Phool;
Palkon Pe Khilnewale Hain Shayad Lahoo Ke Phool;

Ab Tak Hai Koi Baat Mujhe Yaad Harf-Harf;
Ab Tak Main Chun Raha Hoon Kisi Guftagoo Ke Phool;

Kaliyan Chatak Rahi Thi Ki Aawaz Thi Koi;
Ab Tak Sma-Ato Mein Hai Ik Khushguloo Ke Phool;

Mere Lahoo Ka Rang Hai Har Noke-Khar Par;
Sehra Mein Har Taraf Hai Meri Justaju Ke Phool;

Deewane Kal Jo Log The Phoolon Ke Ishq Mein;
Ab Unke Daaman Mein Bharein Hain Rafoo Ke Phool!