Ishq Karo To Ye Bhi Socho Arz-e-Sawal Se Pehle

Ishq Karo To Ye Bhi Socho Arz-e-Sawal Se Pehle;
Hijr Kee Poori Raat Aati Hai Subah-e-Visaal Se Pehle;

Dil Ka Kya Hai Dil Ne Kitne Manzar Dekhe Lekin;
Aankhein Pagal Ho Jati Hain Ek Khyaal Se Pehle;

Kis Ne Ret Udaai Shab Mein Aankhein Khol Ke Rakhi;
Koi Misaal To Hona Us Kee Misaal Se Pehle;

Kaar-e-Mohabbat Ek Safar Hai Is Mein Aa Jata Hai;
Ek Zavaal-Aasaar Sa Rasta Baab-e-Kamaal Se Pehle;

Ishq Mein Resham Jaise Vaadon Aur Khwabon Ka Rastaa;
Jitna Mumkin Ho Tay Kar Le Gard-e-Malal Se Pehle!

Yahi Nahi Koi Toofaan Meri Talaash Mein Hai

Yahi Nahi Koi Toofaan Meri Talaash Mein Hai;
Ki Mausam-e-Gham-e-Janaa Meri Talaash Mein Hai;

Visaal-Rut Hai Magar Dil Ko Aisa Lagta Hai;
Sitara-e-Shab-e-Hijra Meri Talaash Mein Hai;

Main Faisale Kee Ghadi Se Guzar Chuki Hun Magar;
Kisi Ka Deedaa-e-Hairan Meri Talaash Mein Hai;

Ye Be-Yaqeen Si Aasoodgi Batati Hai;
Ki Ek Karya-e-Veeran Meri Talaash Mein Hai;

Main Teergi Mein Mohabbat Kee Ik Kahani Hun;
Mui Charag Saar Unvan Meri Talaash Mein Hai;

Ye Kaisa Khwab Tha Dhadka Sa Lag Geya Dil Ko;
Ki Ek Shakhs Pareshan Meri Talaash Mein Hai!

Ye Dil Bhulata Nahi Hai

Ye Dil Bhulata Nahi Hai Mohabbatein Uski;
Padi Hui Thee Mujhe Kitni Aadatein Uski;

Ye Mera Sara Safar Uski Khushbu Mein Kata;
Mujhe To Raah Dikhaati Thee Chahatein Uski;

Ghiri Hui Hun Main Chehron Ki Bheed Mein Lekin;
Kahin Nazar Nahi Aati Shabahatein Uski;

Main Dard Se Rone Lagi Hun To Aisa Lagta Hai;
Ki Chhaon Jaisi Thee Mujh Par Rafaqatein Uski;

Ye Kis Gali Mein Ye Kis Shehar Mein Nikal Aaye;
Kahan Pe Reh Gayi Logon Sadaqatein Uski;

Main Barishon Mein Juda Ho Gayi Hun Us Se Magar;
Ye Mera Dil, Meri Sansein Amanatein Uski!

Meri Aankhon Ko Soojhta Hee Nahi

Meri Aankhon Ko Soojhta Hee Nahi;
Ya Muqaddar Mein Raasta Hee Nahi;

Wo Bhare Sheher Mein Kisi Se Bhi;
Mere Baare Mein Poochta Hee Nahi;

Phir Wohi Shaam Hai Wohi Hum Hain;
Haan Magar Dil Mein Haunsla Hee Nahi;

Hum Chale Uss Kee Bazm Se Uth Kar;
Aur Woh Hai Ki Rokta Hee Nahi;

Dil Jo Ek Dost Tha Magar Woh Bhi;
Chup Ka Pathar Hai Bolta Hee Nahi;

Main To Uss Kee Talaash Mein Gum Hun;
Woh Kabhi Mujh Ko Dhoondta Hee Nahi!

Shaam Ko Sogwaar Kartay Rahay

Shaam Ko Sogwaar Kartay Rahay;
Ham Tera Intezaar Kartay Rahay;

Tu Tou Kaar-e-Jahan Mein Tha Masroof;
Aur Hum Tujh Se Pyaar Kartay Rahay;

Kis Lye Vasl Ki Kahani Mein;
Hijr Ko Hissaydaar Kartay Rahay;

Dil Ko Bas Mubtala-e-Gham Rakha;
Wehshaton Ka Shumaar Kartay Rahay!

Bohat Aaraam Karna Chahti Hun

Bohat Aaraam Karna Chahti Hun;
Yehi Ek Kaam Karna Chahti Hun;
Shaoor-E-Aagahi Ek Almiaa Hai;
Ise Neelaam Karna Chahti Hun;
Mein Apni Umer Ke Saaray Asaasay;
Tumhaaray Naam Karna Chahti Hun;
Tumharay Khaima-e-Khushbuu Mein Reh Kar;
Mein Subaah-O-Shaam Karna Chahti Hun;
Charaaghon Se Hawaa Ki Dushmani Hai;
Ise Naakaam Karna Chahti Hun!

Ye Dil Bhulaata Nahe Hai Mohabbatain Oski

Noshi Gilani Poetry

Ye Dil Bhulaata Nahe Hai Mohabbatain Uski
Padi Howi Theen Mujhe Kitni Aadatain Uski

Ye Mera Saara Safar Oski Khushbuu Mein Kata
Mujhe Tou Raah Dikhaati Theen Chaahatain Uski

Ghiri Howi Hun Mein Chehron Ki Bheer Mein Laikin
Kaheen Nazar Nahee Aati Shabaahatain Uski

Mein Dard Se Ronay Lagi Hun Tou Aisa Lagta Hai
Ke Chhaon Jaisi Theen Mujh Par Rafaqatain Uski

Ye Kis Gali Mein Ye Kis Sheher Mein Nikal Aaye
Kahan Pe Reh Gayein Loogon Sadaaqatain Uski?

Mein Baarishon Mein Juda Ho Gayi Hun Os Se Magar
Ye Mera Dil, Meri Saansain Amaanatain Uski

Hisaar-e-Lafz-o-Bayaan Mein Gum Hun

Noshi Gilani Poetry

Hisaar-e-Lafz-o-Bayaan Mein Gum Hun
Abhi Teri Daastan Mein Gum Hun

Mein Dekh Sakti Hun Doston Ko
Magar Saf-e-Dushmanaan Mein Gum Hun

Badan Ka aPna azaab Hai aur
Isi Azaab-e-Ziaan Mein Gum Hun

Ye Loog Ghar Keh Rahay Hain Jisko
Mein aisay Makaan Mein Gum Hun

Kahan Wo Lazzat Musaafaton Ki ?
Mein Manzilon Ke Nishaan mein Gum Hun

Khabar Nahi Mauj-e-Dast-e-Jaan Ki
Hawaa Hun aur Baadbaan Mein Gum Hun

Abhi Kahan Fursat-e-Mohabbat ?
Abhi Mein Kaar-e-Jahaan Mein Gum Hun

Rukta Bhi Nahi Theek Se Chalta Bhi Nahi Hai

Noshi Gilani Poetry

Rukta Bhi Nahi Theek Se Chalta Bhi Nahi Hai
Ye Dil Ke Tere Baad Sambhalta Bhi Nahi Hai

Ye Sheher Kisi Aina Kirdaar Badan Par
ilzam Lagate Howe Darta Bhi Nahi Hai

Ik Umar Se Hum Is Ki Tamanna Mai Hain Be-Khwaab
Wo Chaand Jo Aangan Main Utrta Bhi Nahi Hai

Phir Dil Mein Teri Yaad Ke Manzar Hain Firozaan
Aisay Mein Koi Dekhnay Waala Bhi Nahi Hai

Is Umar Ke Sehra Main Teri Yaad Ka Baadal
Talta Bhi Nahi Aur Barasta Bhi Nahi Hai

Hamraah Bhi khwaahish Se Nahi Rehta Hamare
Aur Baam-e-Rafaaqat Se Utarta Bhi Nahi Hai…..!

Yehi Nahi Ke Toofan Meri Talaash Mein Hai

Noshi Gilani Poetry

Yehi Nahi Ke Toofan Meri Talaash Mein Hai
Ke Mausam-e-Gham-e-Jaanan Meri Talaash Mein Hai

Visaal Rut Hai Magar Dil Ko Aisa Lagta Hai
Sitaarah-e-Shab-e-Hijraan Meri Talaash Mein Hai

Mein Faislay Ki Ghari Se Guzar Chali Hun
Kisi Ki Deeda-e-Hairaan Meri Talaash Mein Hai

Ye Be-Yaqeen Si Aasoodgi Batati Hai
Ke Ik Qirya-e-Veeran Meri Talaash Mein Hai

Mein Teergi Mein Mohabbat Ki Ik Kahani Hun
Koi Charaagh Sa Unwaan Meri Talaash Mein Hai

Ye Kaisa Khwaab Tha Dharka Sa Lag Gaya Dil Ko
Ke Ik Shaks Pareshaan Meri Talaash Mein Hai

Mohabbat Ki Aseeri Se Rihaayi Maangtay Rehna

Noshi Gilani Poetry

Mohabbat Ki Aseeri Se Rihaayi Maangtay Rehna
Bohat Aasaan Nahi Hota Judaai Maangtay Rehna

Zara Sa Ishq Karlaina, Zara Si Aankh Bhar Laina
Iwaz Iske Magar Saari Khudaai Maangtay Rehna

Kubhi Mehroom Honton Per Dua Ka Harf Rakh Dena
Kubhi Wehshat Mein Oski Naarsaayi Maangtay Rehna

Wafaaon Ke Tasalsul Se Mohabbat Rooth Jaati Hai
Dil Ki Sakoot-e-Shaam-e-Gham Se Humnawaayi Maangtay Rehna

Kubhi Bachay Ke Nannay Haath Per Titli Ke Par Rakhna
Kubhi Phir Oske Rangon Se Rihaayi Maangtay Rehna