Kuch Fainsla To Ho Ki Kidhar Jana Chahiye

Kuch Fainsla To Ho Ki Kidhar Jana Chahiye;
Pani Ko Ab To Sar Se Guzar Jana Chahiye;

Har Baar Aidiyon Pe Gira Hai Mera Lahoo;
Maqtal Mein Ab B-Tarz-E-Digar Jana Chahiye;

Kya Chal Sakenge Jin Ka Faqat Masla Yeh Hai;
Jaane Se Pehle Rakht-E-Safar Jana Chahiye;

Sara Jvar-Bhata Mere Dil Mein Hai Magar;
Ilzam Ye Bhi Chaand Ke Sar Jana Chahiye;

Jab Bhi Gaye Azaab-E-Dar-O-Baam Tha Wahi;
Aakhir Ko Kitni Der Se Ghar Jana Chahiye;

Tohmat Laga Ke Maa Pe Jo Dushman Se Daad Le;
Aise Sukhanfarosh Ko Mar Jana Chaahiye!

Kuchh Faisala To Ho Ki Kidhar Jana Chahiye

Kuchh Faisala To Ho Ki Kidhar Jana Chahiye;
Paani Ko Ab To Sar Se Guzar Jana Chahiye;

Har Baar Aidiyon Pe Gira Hai Mera Lahoo;
Maqtal Mein Ab Ba-Tarz-e-Digar Jana Chahiye;

Kya Chal Sakenge Jin Ka Faqat Masla Ye Hai;
Jaane Se Pehle Rakht-e-Safar Jana Chahiye;

Sara Jvaar-Bhata Mere Dil Mein Hai Magar;
Ilzaam Ye Bhi Chaand Ke Sar Jana Chahiye;

Jab Bhi Gaye Azaab-e-Dar-o-Baam Tha Wahi;
Aakhir Ko Kitni Der Se Ghar Jana Chahiye;

Tohmat Laga Ke Maa Pe Jo Dushman Se Daad Le;
Aise Sukhanafarosh Ko Mar Jan Chahiye!

Waqt Ke Sath Anaasar Bhi…

Waqt Ke Sath Anaasar Bhi Rahe Sazish Mein;
Jal Gaye Pair Kabhi Dhoop Kabhi Barish Mein;

Woh To Ik Saada-o-Kam Shauq Ka Talib Nikla;
Hum Ne Naahiq Hi Ganwaya Use Aarayesh Mein;

Zindagi Ki Koi Mehrumi Nahi Yaad Aayi;
Jab Talak Hu Mathe Tere Qurb Ki Asaayesh Mein;

Ek Duniya Ka Qaseeda Tha Agarche Mere Naam;
Lutf Aata Tha Kisi Shakhs Kee Fehmayesh Mein;

Us Kee Aankhen Bhi Meri Tarah Se Girdi Kahi Aur;
Khwab Ka Karz Barh Jata Hai Ik Khwahish Mein!

Wo Aks-e-Mauja-e-Gul Tha

Wo Aks-e-Mauja-e-Gul Tha, Chaman Chaman Mein Raha
Wo Rang Rang Mein Utraa, Kiran Kiran Mein Raha

Wo Naam Haasil-e-Fun Ho Ke Mere Fun Mein Raha
Ke Rooh Ban Ke Meri Soch Ke Badan Mein Raha

Sakoon-e-Dil Ke Lye Mein Kahan Kahan Na Gayi
Magar Ye Dil, Ke Sadaa Oski Anjuman Mein Raha

Wo Sheher Waalon Ke Aagay Kaheen Mohazzib Tha
Wo Ek Shakhs Jo Sheheron Se Door Ban Mein Raha

Charaagh Bujhtay Rahay Aur Khwaab Jaltay Rahay
Ajeeb Tarz Ka Mausam Mere Watan Mein Raha

Isi Main Khush Hun Mera Dukh Koi To Sahta Hai

Isi Main Khush Hun Mera Dukh Koi To Sahta Hai
Chali Chalun Ki Jahan Tak Ye Sath Rahta Hai

Zamin-E-Dil Yun Hi Shadab To Nahin Ai Dost
Qarib Main Koi Dariya Zarur Bahta Hai

Na Jane Kaun Sa Fiqra Kahan Raqm Ho Jaye
Dilon Ka Hal Bhi Ab Kaun Kis Se Kahta Hai

Mere Badan Ko Nami Kha Gai Ashkon Ki
Bhari Bahar Main Jaise Makan Dahta Hai

Marney Se Bhi Pehle Mar Gaye They

Marney Se Bhi Pehle Mar Gaye They
Jeeney Se Kuch Aese Dar Gaye They

Rastey Mein Jahan Talak Diye They
Saarey Mere Hamsafar Gaye They

Aankhain Abhi Khul Nahin Saki Thi’n
Aur Khawb Mere Bikhar Gaye They

Jab Tak Na Khila Tha Us Ka Waada
Mausam Mere Be’samar Gaye They

Ab Tak Wohhi Nasha E Paziraayi
Kya Jaaniye Hum Kidhar Gaye They

Ab Bhala Chhor Ke Ghar Kya Karte

Ab Bhala Chhor Ke Ghar Kya Karte
Shaam Ke Vaqt Safar Kya Karte

Terii Masrufiytain Jaante The
Apne Aane Kii Khabar Kyaa Karte

Jab Sitare Hi Nahi Mil Paye
Le Ke Ham Shams O Qamar Kya Karte

Wo Musafir Hi Khuli Dhuup Ka Tha
Saaye Phaila Ke Shajar Kya Karte

Khaak Hi Avl O Aakhir Thahri
Kar Ke Zarre Ko Gauhar Kyaa Karte

Raaye Pehle Se Hii Banaa Lii Tune
Dil Men Ab Ham Tere Ghar Kyaa Karte

Ishq Ne Saare Saliqay Bakhshe
Husn Se Ksb E Hunar Kya Karte

Dasny Lagy Khwab

Dasny Lagy Hain Khawab Magr Kis Se Boliey
Janti The Paal Rahi Hon Sapoliey!

Bas Ye Hova K Us Ne Takalf Se Bat Ki
Or Ham Ne Roty Roty Dopatty Bhigo Liey

Palkon Pe Kachi Nendon Ka Rass Phailta Ho Jab
Eaisy Men Aankh Dhop K Rukh Kesy Kholiey

Teri Barhna’paai K Dukh Bant’ty Hovy
Ham Ne Khud Apny Paaon Men Kaanty Chibho Liey

Main Tera Naam Ly K Ta’zab’zab Men Par Gai
Sab Log Apny Apny Azizon Ko Roo Liey !

“Khushboo Kaheen Na Jaey” Ye Israr Hai Bohat
Or Ye B Aarzo K Zra Zulaf Kholiey

Tasveer Jab Na’ee Hai’ Neya Kainwas B Hai
Phir Tashtari Main Rang Purany Na Gholiey

Aks E Khushbu Hon

Aks E Khushbu Hon Bikhrny Sy Na Roky Koi
Aor Bikhr Jao’n To Muj Ko Na Samety Koi

Kanmp Uthti Ho’n Main Ye Soch K Tanhai Men
Mery Chehry Sy Tera Nam Na Parr Ly Koi

Chehra Mera Tha Nigahen Us Ki

Chehra Mera Tha Nigahen Us Ki
Khamushi Main Bhi Wo Baten Us Ki

Mere Chehre Pe Gazal Likhti Gain
Sher Kahti Hui Ankhen Us Ki

Shokh Lamhon Ka Pata Dene Lagin
Tez Hoti Hui Sansen Us Ki

Aise Mausam Bhi Guzare Ham Ne
Subhen Jab Apni Thin Shamain Us Ki

Dhyan Main Us K Ye Alam Tha Kabhi
Ankh Mahtab Ki Yaden Us Ki

Faisala Mauj-E-Hawa Ne Likkha
Andhiyan Meri Baharen Us Ki

Nind Is Soch Se Tuti Aksar
Kis Tarah Katati Hain Raten Us Ki

Dur Rah Kar Bhi Sada Rahti Hai
Mujh Ko Thame Hue Bahen Us Ki

Badban Khulne Se Pahle

Badban Khulne Se Pahle Ka Ishara Dekhna
Main Samandar Dekhti Hun Tum Kinara Dekhna

Youn Bicharna Bhi Bahut Asan Na Tha Us Se Magar
Jate Jate Us Ka Wo Mur K Dubara Dekhna

Kis Shabahat Ko Liye Aya Hai Darwaze Pe Chand
Ay Shab-E-Hijran Zara Apna Sitara Dekhna

Aaine Ki Ankh Hi Kuch Kam Na Thi Mere Liye
Jane Ab Kya Kya Dikhaye Ga Tumhara Dekhna

Meri Har Nazar Teri Muntazir Teri Har Nazar Kisi Or Ki

Meri Har Nazar Teri Muntazir Teri Har Nazar Kisi Or Ki
Meri Zindagi Teri Bandagi Teri Zindagi Kisi Or Ki

Kabhi Waqat Jo Mille Tujhe Zara Aa K Dekh Mere Hal Ko
Meri Har Ghari Tere Liye Teri Har Ghari Kisi Or Ki

Mujhe Siraf Teri Talab Thi Par Jaane Mujhe Tu Q Na Mili
Tu Usse Milla Mere Sanam Jise Thi Talab Kisi Or Ki