Sarakti Jaye Hai Rukh Se Naqab Ahista-Ahista

Sponsored Links

Sarakti Jaye Hai Rukh Se Naqab Ahista-Ahista;
Nikalta Aa Raha Hai Aftab Ahista-Ahista;

Jawan Hone Lage Jab Wo To Hum Se Kar Liya Parda;
Haya Yaklakhat Aayi Aur Shabab Ahista-Ahista;

Shab-e-Furkat Ka Jagaa Hun Farishton Ab To Sone Do;
Kabhi Fursat Mein Kar Lena Hisab Ahista-Ahista;

Sawal-e-Vasl Par Un Ko Adoo Ka Khauf Hai Itna;
Dabe Hontho Se Dete Hain Jawab Ahista- Ahista;

Hamare Aur Tumhare Pyaar Mein Bas Farq Hai Itna;
Idhar To Jaldi Jaldi Hai Udhar Ahista- Ahista;

Wo Bedardi Se Sar Kaate ‘Ameer’ Aur Main Kahun Un Se;
Huzoor Ahista-Ahista Janaab Ahista-Ahista!

Sponsored Links