Shab-e-Vasl Thii Chaandnii Kaa Samaan Thaa

Sponsored Links

Shab-e-Vasl Thii Chaandnii Kaa Samaan Thaa
Bagal Men Sanam Thaa, Khudaa Meherbaan Thaa

Voh Shab Thii Ki Thii Roshnii Jismen Din Kii
Zamiin Par Se Ek Nuur Taa Aasmaan Thaa

Nikaale The Do Chaand Usne Muqaabil
Voh Shab Sub’h-e-Jannat Ka Jis Pe Gumaan Thaa

Uruusii Kii Shab Kii Halaavat Thii Haasil
Farahnaak Thii Ruuh, Dil Shaadmaan Thaa

Bayaan Khwaab Kii Tarah Jo Kar Rahaa Hai
Ye Qissa Hai Jab Kaa Ki Aatish Javaan Thaa

Khwaja Haider Ali Aatish

Sponsored Links